ती शांत वाहत होती…
तळाशी साचलेले लपवत होती
अडथळे वाटेतील चुकवत होती
चांगले वाईट सामावून स्वतःमध्ये
आजही ती….शांत वाहत होती.
संजय गुरव
कविता- माझ्या कवितेतली ‘ती’…
माझ्या कवितेतली ती
गावची गंधित माती..
शब्दात सुगंध भरती
रीत जगण्याची सांगती.
जात
जन्माआधी जन्म जिचा होतो
मरणानंतरही माग तिचा उरतो
चिकटते कायम भिनते रक्तात
पुरून उरते सकला ही ‘जात’…
उत्तर अजूनही आलं नाही..
तुझ्या जगात प्रवेश झाला
विनाअडथळा श्वास घेतला
मोकळा श्वास लाभणार कधी
उत्तर अजूनही आलं नाही….
मोबाईल, डिटीएच कंपन्यांची वैधता वैध आहे का हे कोण तपासणार??
आज सकाळी सकाळी मोबाईल वर मेसेज वाचला. तुमच्या नंबरची आऊटगोईंग कॉलची वैधता उद्या समाप्त होत आहे. प्लॅन चालू ठेवण्यासाठी कमीतकमी XXX रकमेचा रिचार्ज करा…. मला समजेना, माझा बॅलन्स तर शिल्लक आहे मग वैधता कशी काय संपणार.?