प्रेरणादायी /Motivational

कमी अधिक प्रमाणात का असेना, पण आपण सगळेच जण आपल्या आयुष्यात कसल्या न कसल्या कठिण प्रसंगाना रोजच सामोरे जात असतो, कोणी दाखवतो, कोणी मनातल्या मनात ठेवतो, इतकचं! कितीही वाईट प्रसंग असला तरी आपण आपला तोल ढळु न देता, आनंदी, हसतमुख राहु शकतो, त्यासाठी एक खास प्रकारचं ट्रेनिंग मनाला आवश्यक असतं.

मन आणि कॉम्पूटर दोघांमध्ये खुप साम्ये आहेत. दोघेही प्रचंड शक्तीशाली आहेत, बुद्धीमान आहेत. दोघांमध्ये अफाट स्मरणशक्ती आहे. तसेच कल्पनाशक्तीही आहे. यांचा नीट वापर केल्यास प्रचंड सर्जनात्मक काम यांच्याकडुन काम करवुन घेता येते. यांचा नीट वापर न केल्यास प्रचंड संहार आणि विध्वंसही घडवुन आणला जावु शकतो.