कुढत बसणाऱ्या मित्रास

जग ओळखेल ही तुजला
घाई त्याची मुळीच नाही
तुलाच ओळखण्यास मित्रा
खरेच विसरला असे …….!

वागणे नेहमीच असावे
काळ- पर्व असेल जसे
तरूण मनावर नको तुझ्या
वैराग्याचे पांघरून असे …….!

बहारीचा वसंत ऋतू तू
झटकून टाक ग्रीष्म हा
रसरशीत यौवन लाभता
शुष्क जगणे नको असे …।!

दोष का देशी नशिबास ?
कुढत बसने बरे नसे
मन आहे तुला तुझे एक
हेच तू विसरला असे …!

माहिती उपयुक्त वाटल्यास वरती उजव्या कोपऱ्यात दिलेले बटन दाबून हा लेख व्हॉट्सऍप वर आपल्या मित्र मैत्रीणींना पाठवा.