प्रेरणादायी /Motivational

टेंशन घेऊन, चेहरा पाडून, उदास जगण्यासाठी, आलेला दिवस ढकलण्यासाठी नाही, खळखळुन हसण्यासाठी आणि हसवण्यासाठी, हलकंफुलकं होवुन बागडण्यासाठी, थुईथुई कारंजं बनुन खळखळ होण्यासाठी तुमचा जन्म झाला आहे, स्वतःचं खरं स्वरुप ओळखा, कंदीलावरची काजळी साफ करा, आतला दिवा स्पष्ट दिसु लागेल.

आपल्या मनाचे दोन भाग आहेत, जागृत मन आणि सुप्त मन. जागृत मन रेल्वेच्या इंजिनासारखं आहे, मागे जोडलेले धुड म्हणजे सुप्त मन. जागृत मनाकडे उत्तम निर्णय क्षमता आहे, पण ते विसरभोळं आहे. सुप्त मनाला स्वतःची विचारशक्ती, विवेकबुद्धी नाही, पण ते अफाट शक्तीशाली आहे. त्याच्यावर कोरलेल्या गोष्टी प्रत्यक्षात आणण्याची अफलातुन शक्ती त्याला प्राप्त आहे.

असे वेगवेगळ्या समस्यांनी त्रस्त झालेले लोक जेव्हा प्रश्न विचारतात, की तुमची भव्य दिव्य स्वप्नं ठिक आहे हो, आधी आमच्या समस्यामधुन आम्हाला मुक्त करा, मग लॉ ऑफ अट्रेक्शनचे प्रवचन द्या…….. मित्रांनो, काही जणांचे प्रश्न, काही वेळा, खरोखर मला निरुत्तर करुन जातात, मला माहितीये, दुसर्‍यांना उपदेश देणे तितकेच सोपे असते, जितके प्रत्यक्ष परिस्थीती हाताळणे, आव्हानांना सामोरे जाणे अवघड असते.

मित्रांनो, अशा चिंतांचे गाठोडे घेऊन आपण स्वप्नपुर्तीच्या दिशेने, आकर्षणाच्या प्रवासाला खुप महत्वकांक्षेने आणि जबरदस्त उत्साहाने जरी निघालो तरी तो अपेक्षित परिणाम आपल्याला मिळेल का?…..आकर्षणाच्या नियमाची पहीली बेसीक अट म्हणजे आकर्षण तेव्हाच सुरु घेईल, जेव्हा तुम्ही दिवसातला बहुतांश वेळ प्रसन्न, सतत आनंदी, चिंतामुक्त आणि हलकं फुलकं असलं पाहीजे.